महेश गुप्ता
भैरहवा, २९ मंसिर/ सिद्धार्थनगर नगरपलिका वडा नं ४ मा श्री राधाकृष्ण मन्दिरको निर्माण कार्यको शिलान्यास भएको छ । सिनपा ४ को ७ लाख लगानीमा उक्त निर्माण कार्य थालिएको वडा नं ४ का वडाध्यक्ष मुक्तिनाथ यादव (भोला) ले बताए ।
वडाध्यक्ष सहित ४ सदस्यीय वडासमितीद्वारा मन्दिरको निर्माण कार्य सुरु गरिएको वडाध्यक्ष यादवले जानकारी गराएका हुन् । तत्कालका लागि ७ लाखको लगानीमा टाईभीम सम्मको निर्माण कार्य गरिने तथा बाँकीको निर्माण कार्य पनि वडाकै लगानीमा पूरा गर्ने उनले बताए ।
मन्दिर निर्माण कार्यमा वडावासी, मुक्तिधामका साथ साथै विभिन्न संग संस्थाको सहयोग रहेको वडाध्यक्षले बताए ।
साथै उनले यसै सातामा सिनपा ४ मा रहेकाे मस्जिदको पनि निर्माण कार्यको शिलान्यास गरिने बताएका छन् ।
मन्दिर निर्माण शिलान्यास कार्यक्रममा सिद्धार्थनगर नगरपालिका प्रमुख इस्तियाक अहमद खान, सिनपा वडा नं ३ का वडाध्यक्ष नारायण प्रसाद उपाध्याय, मुक्तिधामका अध्यक्ष प्रसुराम यादव, वडा सदस्य इन्द्रमती धोबी, मञ्जु चौधरी, सहिद बहादुर दुनिया, लगायत रमेश यादव, राजेश कलवारको उपस्थिति रहेको वडाध्यक्ष यादवले बताए।
